Media rozë është marrë shumë me lidhjen, fejesën e martesën e moderatorit Labinot Gashi-Labi.
E kush nuk shkruajti e nuk tha diçka për të dhe të përzgjedhurën e tij? Të gjithë u morën nga pak, duke e aktualizuar shumë Labin, shkruan kosovarja

Ndonëse u bë e famshme, kuptojmë se Qëndresa Bajramit asnjëherë nuk i ka pëlqyer vëmendja e medias, madje shumë shpesh është ndjerë keq kur e ka parë emrin e saj duke bërë xhiro nëpër portale.

Ndryshe nga bashkëshorti i saj, i cili është tejet i lidhur me median për çka edhe e gëzon statusin e personit publik, Qëndresa e do qetësinë dhe nuk i pëlqen fare të jetë e përfshirë në vorbullën e diskutimeve publike.

U tha shumë herë se ajo është shtatzëne, madje u tregua edhe gjinia e bebes. Burime të “Kosovares” pranë çiftit, bëjnë të ditur se nuk ka asgjë të vërtet në këtë mes dhe se Labi e Qëndresa nuk po bëhen akoma prindër./kosovarja/