Qeveria e Kosovës nuk ka më tolerancë për banorët e Shipitullës dhe Hadës për shpronësimin e pronave të paluajtshme, të cilat nevojiten për zgjerimin e mihjes sipërfaqësore për eksploatim të thëngjillit për prodhim të energjisë elektrike për nevojat e KEK-ut.

Kështu ka thënë kryeministri, Ramush Haradinaj, në mbledhjen e sotme të qeverise, raporton arbresh.info.

“Ky projekt ka avancuar në mas të duhur por janë disa pengesa. Vendimi i sotëm i afatizon këto veprime, në rast të mos zbatimit të tij. Nuk mundemi në pakufi me toleru një situate të tille sepse procesi nuk ka ecur në dinamiken e duhur.”

E Ministrja e Mjedisit dhe Planifikimit Hapësinor, Albena Reshitaj, tha se qytetarët i kanë të gjitha informatat për shpronësim.

“Pas miratimit të vendimit të datës 30.08.2017, ministria ka bërë përgatitjet për dëgjim publik. Në ditën e mbajtjes së dëgjimit qytetarët kanë protestuar,” është shprehur Reshitaj.

Sipas saj, qytetarët i kanë të gjitha informata për shpronësimin e tokave në Hade dhe Shipitullë.

Aty u vendos nga Qeveria e Kosovës për ekzekutim të vendimit preliminar për shpronësim të interesit  publik të pronave të paluajtshme të cilat preken nga prodhimi i energjisë elektrike për nevojat e KEK-ut./arbresh.info/