Mesut Ozil ka shkëlqyer në fitoren e tretë radhazi nga Arsenali në Premierë Ligë.

“Topçinjtë” ka siguruar fitore me rezultat të thellë 4 me 0 në takimin si nikoqir në Emirates kundër skuadrës së Florent Hadergjonajt, Huddersfield Town, shkruan portali arbresh.info.

Gjiganti i Londrës Veriore e nisi mjaftë mirë takimin e xhiros së 14-të në Premierë Ligë duke kaluar në epërsi qysh në minutën e 3′. Sulmuesi Alexandre Lacazette realizoi gol të bukur pas një asistimi të klasit botëror nga mesfushori Aaron Ramsey.

Pjesa e parë e ndeshjes përfundoi me këtë rezultat, por Arsene Wenger ishte në panik kur mbrojtësi shqiptar Shkodran Mustafi mbeti i shtrirë në fushë në minutën e 30′ të ndeshjes. Pasi mori trajtimin nga stafi mjekësor, reprezentuesi gjerman arriti të rikthehet sërish në fushë.

Oliver Giroud dyfishoi epërsinë me një gol nga afërsia (68′) pas asistimit nga Mesut Ozil, i cili asistoi edhe në golin e realizuar dy minuta më vonë nga Alexis Sanchez (70′) para se të shënonte për 4 me 0 në minutën 72′.

Giroud përmbylli gjithçka në Emirates duke shënuar për 5 me 0 pas asistimit nga Sead Kolasinac (87′).

Arsenali tani ka 28 pikë dhe qëndron në pozitën e katërt në tabelë, ndërsa Huddersfiledi qëndron në pozitën e 14-të me 15 pikë./arbresh.info/

https://streamable.com/frbnh

https://streamable.com/o8w4p

https://streamable.com/bngur

https://streamable.com/j7q09