Kulla e Ajfellit fik dritat në nderim të viktimave në Egjipt

20:06 | 25 Nëntor 2017
Arbresh.info

Në shenjë solidariteti me familjet e personave që humbën jetën dhe të plagosurit në sulmin ndaj xhamisë në Egjipt, në mesnatë janë fikur dritat në Kullën e Ajfellit
Dritat u fikën me vendimin e kryebashkiakes së Parisit, Anne Hidalgo, raporton AA.

“Terrorizmi edhe një herë ka goditur Egjiptin. Ngushëlloj familjet e të vdekurve, kurse të plagosurve u dëshiroj shërim të shpejtë”, ka shkruar ajo në rrjetin social.

Dritat në Kullën e Ajfellit janë fikur edhe më parë për nder të viktimave të sulmeve terrorste në vende të ndryshme të botës.

Xhamia, e cila është sulmuar i përket Tarikatit, ndërsa ndodhet 20 kilometra në lindje të qytetit të Al-Arish.

Shpërthimi u dëgjua pranë xhamisë Ravda menjëherë pas namazit të xhumasë, ku humbën jetën të paktën 235 persona. Në Egjipt janë shpallur tre ditë zie.