Angel Di Maria ka vendosur të largohet nga gjiganti francez, Paris Saint Germain.

Sulmuesi argjentinas nuk ka pasur hapësirat e duhura këtë edicion nën urdhrat e trajnerit Unay Emery dhe ka kërkuar largimin.

Me ardhjen e dyshes Neymar dhe Kylian Mbappe hapësirat e Di Marias janë minimizuar tek parisinet.

Kësisoj argjentinasi ka shprehur gatishmërinë për tu larguar dhe për ta gjetur një skuadër ku mund të luajë rregullisht.

Lideri aktual i Ligue 1, PSG ka pranuar propozimin e anësorit për tu larguar dhe tanimë i ka vendosur edhe çmimin.

Ajo skuadër që dëshiron transferimin e Di Marias gjatë afatit kalimtar të janarit duhet të paguajë 35 milionë euro.

Ish-futbollisti i Real Madridit dhe Manchester Unitedit është folur se mund t’i bashkohet Barcelonës në La Liga.

Gjithsesi në garë për reprezentuesin e Argjentinës mbetet edhe skuadra italiane Inter.