Populli i Koresë së Veriut kanë dënuar me vdekje Donald Trumpin, sipas një editoriali në gazetë shtetërore.

Artikulli thotë se presidenti ka fyer shtetin kur ai përmendi “diktaturën e egër” gjatë turneut të tij përgjatë Azisë, transmeton portali arbresh.info. E për këtë ai duhet të vritet, sugjeron artikulli.

“Krimi më i keq për të cilin ai kurrë nuk mund të falet është se ai guxoi të dëmtonte dinjitetin e udhëheqjes supreme”, shkruante gazeta e partisë në pushtet Rodong Sinmun.

“Ai duhet të dijë se ai është vetëm një kriminel i shëmtuar i dënuar me vdekje nga populli korean”.

Artikulli gjithashtu tha se zoti Trump ishte një frikacak për anulimin e një vizite në kufirin e Koresë së Veriut, një vendim që u bë për shkak të motit të keq.

Por, në këtë shkrim thuhet se presidenti “ishte shumë i frikësuar për t’u përballur me sytë e shndritshëm të trupave tanë”, sipas AFP-së./arbresh.info/