Në ‘Allianz Stadium’ të Torinos parashikohet të mos ketë asnjë vend të lirë për betejën evropiane që mund të vlejë kalimin e vendasve në fazën tjetër.

Ndaj Barcelonës të mërkurën e 22 nëntorit, tifozët e ‘Zonjës së Vjetër’ kishin paralajmëruar koreografi të veçantë dhe ky interesimi i jashtëzakonshëm i jep vulën kësaj ndeshje të madhe.

Barcelona kthehet në stadiumin e Juvenusit, pas shtatë muajsh kur pësoi një disfatë të madhe duke u larguar drejt shtëpisë me tre gola të pranuara.

Paolo Dybala shënoi dy herë, ndërsa Giorgio Chiellini shënoi një herë.

Barcelona tani kryeson grupin me 10 pikë, m tri pikë më shumë se Juventusi.

Kryesimi i grupit do të jetë i vështirë për italianët pasi që kanë pësuar humbje në ndeshjen e zhvilluar në Cmap Nou me rezultat 3-0.

Por kualifikimi mund të vijë për Juven nëse e fiton vetëm një ndeshje dhe kjo kundër Barcelonës mund të jetë ajo.