Gripi është një virus që gjithmonë në sezone të caktuara bëhet shqetësues – për këtë është e rëndësishme që të gjithë punëtorët të marrin masat dhe hapat e nevojshëm për ta mbrojtur veten, por edhe kolegët tyre.

Sipas një studimi të realizuar tregohet se rreth 84% e të punësuarve shkojnë në punë, derisa janë me grip.

Rreth 50% e tyre nuk marrin kurrfarë masa parandaluese për t’i mbrojtur kolegët e tyre.

Studimet kanë treguar se kur në pyetje është zyra, më së shumti baktere fshihen nëpër rubinetet e ujit, derën e mikrovalës, si dhe në tastierën e kompjuterit.

Të gjithë të punësuarit duhet t’i pastrojnë sipërfaqet e pajisjeve të punës, të cilat përdoren edhe nga të tjerët, transmeton Klan Kosova.

Punëtorët duhet t’i pastrojnë duart pas secilës shujtë, pasi të kenë lexuar shtypin, si dhe pas përshëndetjes me kolegët.

Për ta shmangur dehidrimin, i cili së bashku me mungesën e gjumit dhe stresin dobësojnë sistemin imun, pranë vetes mbani një shishe me ujë.

Kur ta ndieni se mund të sëmureni nga gripi, konsultohuni me mjekun tuaj për masat shtesë, si të përdorni vitaminat apo zinkun.