Meta mbron gazetarët, në kohën kur u ofenduan nga kryeministri Rama

Kryetari i Kuvendit Ilir Meta, duke folur gjate nje seance parlamentare, ku ka komentuar per akuzat e partise Demokratike ndaj tij ne lidhje me skandalin e CEZ. /r/n/r/nParliament Speaker Ilir Meta , speaks during a parliamentary session, which commented on the charges against his in connection with the scandal of CEZ.

17:47 | 2 Nëntor 2017
Arbresh.info

Presidenti i Shqipërisë, Ilir Meta priti sot gazetarët në Presidencë dhe bëri thirrje që askush të mos intimidojë punën e tyre.

Deklarata e Metës vjen në kohën kur gazetarët janë sulmuar dhe ofenduar nga Kryeministri Rama, i cili dje u shpreh se “nuk hani dot bukë pa mua”.

“Askush të mos intimidojë për asnjë arsye këtë integritet profesional për shkak të profesionit tuaj”, u shpreh Meta, shkruan Opinion.al.

Një tjetër apel ishte dhe ndaj institucioneve të veprojnë kur ka akte dhune ndaj gazetarëve. Pritja në presidencë është bërë në ditën ndërkombëtare kundër krimeve ndaj gazetarëve.

Meta e mbylli fjalën e tij për të vijuar me një bisedë miqësore dhe me trokitje gotash me gazetarët, duke deklaruar se ata ishin të mirëpritur gjatë gjithë mandatit të tij si president i Shqipërisë.