Policia gjermane nga divizioni i kundër terrorizmit, ka arrestuar një 19-vjeçar të dyshuar që kishte bërë “plane konkrete” për të kryer një sulm duke përdorur një mjet shpërthyes.

Qëllimi i tij ishte që të vrasë sa më shumë njerëz që është e mundur, tha zyra e prokurorisë federale, transmeton portali arbresh.info

Siriani, i identifikuar nga Zyra e Prokurorisë Federale, si Yamen A. u arrestua në mëngjesin e së martës, në qytetin verilindor të Schwerin “me dyshimin e përgatitjes së një akti të dhunës kundër shtetit”.

“Sipas të dhënave, deri tash, Yamen A , mori vendimin për të shpërthyer një mjet, jo më herët se në korrik të 2017 me qëllim që të vrasë sa më shumë njerëz që është e mundur”,  thuhet në deklaratë.

19-vjeçari , i cili kishte bërë “plane konkrete” për përgatitjen e një sulmi terrorist të bazuar në motive Islamike, kishte blerë pajisje eksplozive të improvizuara, shtoi GBA. Ende nuk dihet nëse ai kishte identifikuar ndonjë vend specifik për ta kryer sulmin.

Sipas informatave të zyrës  së prokurorit, nuk është zbuluar ende nëse Yamen A. i përkiste ndonjë grupi terrorist./arbresh.info/