Ministri i Infrastrukturës Pal Lekaj në një postim në rrjetin social Facebook ka treguar se  ditë më parë ka inspektuar punimet që po bëhen në nënsegmentin C1, kyçja e autostradës R6/R7 lidhja me rrugën nacionale N2 (udhëkryqi i Gjilanit), ka bërë të ditur se sot ka filluar shtrimi i asfaltit dhe kjo çështje do të përfundojë në dhjetor të këtij viti, raporton arbresh.info

Ky është postimi i plotë:

Para disa ditëve inspektuam punimet që po ndodhin të nënsegmenti C1, kyqja e autostradës R6/R7 lidhja me rrugën nacionale N2 (udhëkryqi i Gjilanit). Nga ku bëmë thirrje që të përshpejtohen punët nga kompania Bechtel&Enka për sanimin e dëmtimeve që kanë ndodhë.

Sot ka filluar shtrimi i asfaltit dhe kjo çështje, ashtu siç jemi zotuar, do të përfundojë në dhjetor të këtij viti.

Janari nuk bënë të na zë me këtë kyqje si “fyt i ngushtë”, por me standardet çfarë edhe duhet të jenë dhe pa probleme në të ardhmen.