Në ditën e policëve të rënë në krye të detyrës, kreu i PD Lulzim Basha thotë se ata sot ndihen të tradhtuar.

Në një status në FB, kreu i opozitës shprehet se mënyra më e mirë për ti kujtuar këta heronj, është lufta pa kompromis kundër krimit dhe drogës.

“Sot është dita e të rënëve të policisë në krye të detyrës, një ditë që na kujton për ata burra në uniformë me kurajo e integritet që dhanë jetën në luftë kundër krimit.  Askush nuk ka bërë më shumë se ata për rendin e drejtësinë në këtë vend. Mënyra më e mirë për ti kujtuar e për të vlerësuar veprën e tyre është beteja pa kompromis ndaj krimit, bandave e drogës.Vetëm kështu shpirti i tyre do prehej në paqe. Për fat të keq, ata sot janë të tradhtuar dhe shpirti i tyre i trazuar, sepse krimi që ata luftuan, ndan pushtetin me qeverinë. Krimi që ata luftuan sot është në formën e kupolës mafioze ku janë bashkë qeveria e bandat. Ku shefat e komisariateve, besnike te qeverise, ndihmojnë trafikantet, e dhunojnë te pamundurit. Dëshmoret e policisë dhanë jetën për tjetër gjë, PR sigurinë e qytetareve dhe për te ndalur krimin”, tha Basha.