Pos se me arsye mban epitetin “mbretëresha e vjeshtës”, sepse rrit nivelin e serotoninës, hormonit të lumturisë, dhe e shëron depresionin, kungulli rregullon nivelin e kolesterolit dhe posedon ndikim të fortë kundër inflamacioneve.

Falë këtyre vetive shëruese, farat dhe çaji i kungullit ruajnë shëndetin në ditët e ftohta të vjeshtës dhe dimrit. Kjo perime është përplot me vitamina, proteina, kalium, acid folik dhe antioksidues. Farat e kungullit po ashtu janë të pasura me proteina, hekur, zink, magnez dhe vitamina K. Kështu, kungulli mund të ndihmojë në parandalimin e sëmundjeve të rrugëve urinare, nxit hedhjen jashtë të lëngjeve tepricë nga trupi, është diuretik i shkëlqyeshëm dhe u sugjerohet të sëmurëve nga reuma, gihti, inflamacionet e veshkave dhe fshikëzës urinare. Personat që vuajnë nga diabeti do të duhej të hanë sa më shumë kungull, sepse ul nivelin e sheqerit në gjak. Ekspertët kanë zbuluar se ekstraktet e kungullit mund të ofrojnë ndihmë të madhe, sepse stimulojnë prodhimin e insulinës dhe rigjallërojnë qelizat e dëmtuara të pankreasit. Marrë parasysh se fibrat ndikojnë në rregullimin e tretjes, në zbutjen e jashtëqitjes dhe në përshpejtim të metabolizmit, kjo paraqet parakushtet kryesore për humbje të shëndetshme në peshë.