Mbi 400 votues kanë hasur në probleme për të gjetur emrat në lista

15:32 | 22 Tetor 2017
Arbresh.info

Shumë qytetarë me të drejtë vote kanë hasur në vështirësi apo edhe në pamundësi për të gjetur emrat e tyre në listat e votuesve.

Kështu ka bërë të ditur rrjeti i organizatave joqeveritare “Demokracia në Veprim” në konferencën e dytë për media.

Albert Krasniqi nga kjo organizatë ka thënë se numri i atyre që kanë pasur probleme për të gjetur emrin është 401, shkruan arbresh.info.

“Ka pasur vështirësi te votuesve për të gjetur emrat e votuesve. 401 votues kanë pasur probleme në 113 vendvotime, kryesisht në Prizren, Prishtinë e Mitrovicë”, ka thënë Krasniqi.

Sipas tij, në këtë proces zgjedhor është evidentuar edhe votimi jashtë kabinave të votimit, me 41 raste dhe asistimi i votuesve më shumë se një herë, me 193 raste./arbresh.info/