Përveç profileve të përkohshme, të cilat Facebook tashmë i ofron, rrjeti social po provon tani edhe statusin e përkohshëm.

Statuset vetëdestruktive paraqiten gjatë ditëve të fundit dhe disa përdorues tashmë kanë qasje në funksion. Facebook ka konfirmuar se po kryen testimin, por nuk ka bërë të ditur se kur të gjithë përdoruesit do të marrin mundësinë e statusit të përkohshëm. “Ne po testojmë një përditësim që u lejon përdoruesve të krijojnë statuse të përkohshme në profilet e tyre, në mënyrë që të lejojnë miqtë e tyre të dinë se çfarë po bëjnë, apo si ndihen në momentin.

Përdoruesit kanë opsionin për të vendosur statusin e skadimit të statusit dhe nëse statusi do të shfaqet në News Feed ose vetëm brenda profileve “, njofton Facebook. Statuset në fjalë mund të kenë porosi maksimale deri në 101 karaktere.