Bashkimi Europian do të ndërpresë kontaktet me gjeneralët kryesorë të Mianmarit, i cili veprim edhe përcakton hapin e parë të rritur sanksionet ndaj vendit që ka nxitur rreth 500 mijë myslimanë Rohingya të lëshojnë vendin, thuhet në një dokument të parë nga Reuters.

Shtetet e Bashkuara dhe Bashkimi Evropian kanë marrë në konsideratë sanksionet e synuara kundër udhëheqësve ushtarakë të Myanmarit, megjithëse blloku europian konsideron se opsionet e tij relativisht të kufizuara nuk do të kenë ndikim të drejtpërdrejtë në terren, transmeton portali arbresh.info

Ministrat e jashtëm të Bashkimit Europian do të diskutojnë mbi situatën në Mianmar me 16 tetor.

Dokumenti konfirmon mbështetjen për një embargo ekzistuese të BE-së mbi armët dhe paisjet “që mund të përdoren për shtypjen e brendshme”.

Refugjatët dhe grupet e të drejtave të njeriut thonë se ushtria dhe vigjilentët budistë po përdorin vrasjen dhe zjarrvënien për të larguar myslimanët Rohingya nga vendi.

Mianmari ka mohuar se është duke kryer spastrim etnik./arbresh.info/