Kur flitet për veshjet e meshkujve dhe të femrave, është e rrënjosur në mendjen tonë, se ngjyra rozë është vetëm për femra, ndërsa për meshkujt është ngjyra e kaltërt.

Por jo gjithmonë ka qenë kështu, transmeton portali arbresh.info

Veshja e djemve me rroba ngjyrë rozë është përdorur për të treguar anën e tij mashkullore.

Ekperti i ngjyrave dhe pedagodu Gavin Evans ka thënë për “Business Insider” se ishin pikërisht reklamat e fund shek.19-të dhe fillim shek.20-të që të vishnin djemtë e tyre me ngjyrë rozë, nëse donin që ata të ishin mashkullorë, ndërsa vajzat të visheshin me ngjyrë të kaltërt, nëse donin që ato të ishin femërore.

Ai jep edhe arsyen:

“Kjo ishte një këshillë që u shpërnda shumë gjërësisht dhe kishte arsye për këtë. Në një pjesë të Europës ngjyra e kaltërt është parë si ngjyrë femërore për shkak të veshjes së Virgjëreshës Maria, ndërsa ngjyra rozë është parë si ngjyra e kuqe por në versionin mashkullor”, tha ai.

Ai sqaron edhe ndikimin që kanë bërë reklamat në lidhje me këtë.

“Gradualisht filloi të ndryshojë, megjithatë në mesin e shek.20-të është bërë një fushatë e madhe e reklamave dhe agjencive të marketingut që theksonin se ngjyra rozë është ngjyrë ekskluzive për gjininë femrore. Ndryshimi erdhi shumë shpejt”, shton ai.

Në librin e tij “The Story of Color” ai vë në dukje se ne jemi të “bombarduar” me mendime, kuptime dhe fakte rreth ngjyrave, varësisht nga kultura. Për shembull, në kulturën angleze ngjyra e zezë lidhet me vdekjen, ndërsa e gjelbërta me zilinë. Por, sikurse ka ndodhur ndryshimi me ngjyrën rozë dhe të kaltërt, ka tendenca që edhe kuptimi për ngjyrat tjera të ndryshojë./arbresh.info/