Ministrja e mbrojtjes holandeze, Jeanine Hennis-Plasschaert, ka dhënë dorëheqje pasi ministria e saj mbart përgjegjësinë për të incident në Mali, ku mbetën të vrarë dy ushtarë.

Hennis-Plasschaert, një anëtare e lartë e Partisë Popullore të Lirisë dhe Demokracisë (VVD) të qendrës së djathtë pranoi se ishin bërë gabime kur u blenë, u ruajtën dhe kur u përdorën granatat që ishin pjesë e misionit në Mali, transmeton portali arbresh.info

Ushtarët vdiqën pasi u shpërtheu një granatë.

Bordi Hollandez i Sigurisë (OVV) publikoi një raport javën e kaluar duke thënë se ushtarët, të cilët u vranë në korrik të vitit të kaluar, vdiqën si rezultat i mangësive serioze nga ana e ministrisë së mbrojtjes.

Ministria kishte nisur një hetim mbi misionin kur OVV publikoi draft raportin e saj gjatë verës, ndërsa deputeët kërkuan nga ish-ministrja që të sqarojë pse është vazhduar misioni.

Dorëheqja e saj vjen në kohën kur negociatat për të formuar një qeveri të re në Holandë duket se po hyjnë në fazën e saj përfundimtare./arbresh.info/