Një çift i krishterë lanë vajzën e tyre të porsalindur të vdesë nga verdhëza, ndërsa nëna deklaroi se “Zoti nuk bën gabime”.

Rachel Joy Piland, 30 vjeç, dhe burri i saj Joshua Barry Piland, 36, refuzuan të kërkonin trajtim mjekësor për vajzën e tyre Abigail, ka thënë policia, transmeton portali arbresh.info

Çifti nga Lansing, Michigan, është akuzuar për vrasje të pavullnetshme.

Policia ka zbuluar detajet e vdekjes së foshnjës që humbi jetën pas tri ditësh.

Mamia dhe dy asistente që ndihmuan në lindje e kanë përshkruar vajzën si të shëndetshme, por ditën tjetër vajzës i është shfaqur verdhëza.

Policia tha se gjendja e Abigail vazhdonte të përkeqësohej deri më 9 shkurt dhe nëna e Rachelës, Rebecca donte ta çonte fëmijën në spital.

Pas kundërshtimit të prindërve për trajtim mjeksor, foshnja ka ndërruar jetë./arbresh.info/