Vuçiq vendeve anëtare të OKB: Mos e votoni Kosovën në UNESCO

14:54 | 22 Shtator 2017
arbresh.info

Presidenti i Serbisë, Aleksandër Vuçiq, gjatë fjalimit të tij në Asamblenë e Përgjithshme të Kombeve të Bashkuara i ka bërë thirrje vendeve anëtare për mos mbeshtetje të Kosovës për anëtarësim në UNESCO, shkruan arbresh.info.

“Prishtina zyrtare po tenton të aplikojë për anëtarësim të Kosovës në UNESCO. Ju bëjë thirrje të gjithë juve që mos ta lejoni këtë, duke ju rikujtuar se shumë njerëz morrën pjesë në shkatërrimin e manastireve dhe kishave dhe trashëgiminë kulturore dhe shpirtërore të serbëve në Kosovë.”

Përveç kësaj, Vuçiq thotë se kanë investuar në përpjekje të jashtëzakonshme në stabilizimin e rrethanave të përgjithshme në Ballkan, shkruan arbresh.info.

“Ne shpesh qëndrojmë të heshtur ndaj sulmeve që vijnë nga disa vende të tjera sepse e dimë se paqja dhe pajtimi janë më të rëndësishme se poenët politik.”/arbresh.info/