Ministri i ri i Kulturës Rinisë dhe Sportit, Kujtim Gashi, ka treguar se kur do të bëhet gati stadiumi i Prishtinës.

Ka një kohë të gjatë që stadiumi i kryeqytetit është duke u riparuar.  Ishte thënë se punimet do të përfundojnë gjatë muajit shtator dhe në tetor të jetë gati, kjo nuk do të ndodhë.

Kështu ka thënë edhe ministri Gashi, i cili tha se stadiumi do të jetë gati gjatë stinës së pranverës.

“Bazuar në listën e rekomanduar nga UEFA për punimet të pa parapara me kontratë dhe me projektin kryesor në vlerë prej 4,100,000.00 €, punime të cilat janë të domosdoshme për plotësimin e Kategorisë IV të Stadiumeve sipas kërkesës nga UEFA me sigurimin e këtij  buxhetit ne pranverën e hershme stadiumi do te jete i gatshëm”, ka thënë Gashi për IndeksOnline.

Përfaqësuesja e Kosovës në futboll nuk pati fatin të luaj në shtëpi asnjë ndeshje eliminatore të Kupë së Botës “Rusia 2018”, ndërsa Prishtina ka “harruar” herën e fundit se kur ka luajtur në shtëpi gjatë ndeshjeve të Superligës.