Presidenti i Turqisë, Recep Tayyip Erdogan, i është përgjigjur vendimit të Uashingtonit për tërheqjen e marrëveshjes për shitjen e armëve në vlerë prej 1.2 milion dollarësh.

Në një intervistë për PBS, Erdogan ka akuzuar SHBA-të se po furnizon me armë terroristët, duke iu referuar kurdëve, të cilët luftojnë kundër Shtetit Islamik, transmeton portali arbresh.info

“Nëse nuk jemi në gjendje të blejmë armë nga Shtetet e Bashkuara, pse atëherë ata i japin ato armë terroristëve? Është një pyetje që ne kërkojmë përgjigjje nga Shtetet e Bashkuara”, ka thënë Erdogan.

Shtëpia e Bardhë beson se çelësi për kapjen e fortesës së fundit të ISIS-it në Raqqa është armatosja e kurdëve.

Deklarata e Erdogani erdhi një ditë pasi administrata Trump vendosi të shfuqizojë marrëveshjen më të madhe për shitjen e armëve nga Qeveria turke.

Vendimi për të anuluar këtë marrëveshje erdhi pasi truprojat e Erdoganit sulmuan dhunshëm protestuesit pro-kurdë gjatë vizitës së presidentit turk në Uashington gjatë muajit maj./arbresh.info/