Industria e tekstilit në Korenë Veriore është goditur nga sanksionet e fundit të miratuara nga OKB-ja.

Por ja vlera që ka kjo industri për vendin komunist, transmeton portali arbresh.info

Në bluzat që shkruhet ‘Made in China’ fshihet një tjetër e vërtetë, sepse ekziston një shansë e vogël që bluza juaj të jetë prodhuar në Korenë Veriore.

Industria e tekstilit në Korenë Veriore ka vlerë diku rreth 7.25 milionë dollarë, që nuk është ndonjë vlerë e madhe në krahasim me ekonominë globale, por nuk është aq e vogël për shtetin komunist.

Arsyeja pse nuk dëgjohet shpesh për industrinë e tekstilit në Korenë Veriore është se shumica e këtyre fabrikave menaxhohen nga firmat kineze. Materiali i dërguar nga Kina në Korenë Veriore punohet më lirë, për shkak se fuqia punëtorë në vendin komunist është shumë më e lirë sesa ajo në Kinë.

OKB ka miratuar sanksione më të ashpëra për Korenë Veriore, si ndëshkim i testimit të raketës së gjashtë balistike, e cila supozohet se ka qenë e mbushur me hidrogjen. Para miratimit të sanksioneve, regjimi i Kim Jong-un ka kërcënuar SHBA-të, ku ndër të tjera ka thënë se ‘Amerika do përjetojë dhimbje shumë të madhe’./arbresh.info/