Vazhdojnë hetimet në lidhje me atentatin që iu bë dje pronarit të një lokali dje në qytetin e Laçit.

Policia bën me dije se ishin 4 të rinj ata që shkuan në lokalin e Rudolf Tomës me një automjet tip “Benz”.

Mësohet se të rinjtë janë konfliktuar me pronarin e lokalit njëri prej tyre ka nxjerrë edhe armën dhe ka qëlluar mbi pronarin e lokalit.

Njoftimi i Policisë Me datë 07.09.2017 , rreth orës 22:15 , është marrë njoftim se në lagjen Nr.3 Laç, ka ndodhur një plagosje me armë zjarri. Menjëherë në vendngjarje kanë mbërritur shërbimet policore që kanë konstatuar se ka mbetur i plagosur shtetasi R.T. 32 vjeç, i cili ndodhet në Spitalin e Traumës në Tiranë, nën kujdesin e mjekëve. Janë ngritur pika kontrolli si dhe po bëhet krehja e zonës me qëllim kapjen e autorëve të dyshuar. Grupi hetimor në bashkëpunim me Prokurorinë e Rrethit Gjyqësor Kurbin po vazhdojnë hetimet për zbardhjen e plotë të ngjarjes.