Kreu i AKR-së, Behgjet Pacolli ka thënë se koalicioni LAA ka caktuar një grup punues politik dhe programor me Vetëvendosjen që të harmonizojnë qëndrimet e koalicionit LAA për prioritetet Qeverisësë të Kosovës për intensifikimin e dialogut me VV.

Ai nëpërmjet një statusi në rrjetin social facebook ka treguar se AKR ka biseduar me Alternativën, LDK-në si dhe VV-në për këtë.

Stautsi i plotë:
Për atë çfarë ndodhi dje në Kuvendin e Kosovës, sot në mesditë mbajtëm një takim me drejtuesit e Alternativës, Mimoza Kusari – Lila dhe Ilir Deda. Ne mesditë, ne të Akr dhe Alternativës zhvilluam një takim edhe me udhëheqësit e VV-së, Albin Kurti dhe Dardan Sejdiu. Në takim diskutuam për hapat e radhës në zhbllokimin e situatës së krijuar pas seancës së djeshme në Kuvendin e Kosovës. U bisedua për domosdoshmërinë e lëvizjes së procesit në krijimin e institucioneve të Kosovës. Në orët e pasditës u takuam edhe me Kryetarin e Ldk, Kryeministrin në detyrë, Isa Mustafa. Në këtë takim partitë e koalicionit LAA caktuan anëtarët e grupit punues politik dhe atij programor me VV për harmonizimin e qëndrimeve të koalicionit LAA për prioritetet qeverisëse të Kosovës duke u dakorduar për intensifikim të dialogut me VV prej fillimit të javës së ardhshme.