Shteti paguan 250 mijë euro për aparaturën që nuk e shfrytëzon

07:33 | 19 Gusht 2017
Arbresh.info

Kosova do të detyrohet të paguajë qindra e mijëra euro penallti për shkak se nuk po mund ta sjellë aparaturën e angiografit, të blerë 2.1 milionë euro nga Austria në Kosovë.

Kjo aparaturë është blerë qe më shumë se një vit nga Qeveria e Kosovës përmes një kredie të butë, ndërsa afati i fundit që të sjellë në Kosovë ishte muaji prill. Për çdo muaj që vonohet sjellja e kësaj aparature Kosova do t’i paguajë “qira” kompanisë austriake rreth 50 mijë euro, shkruan sot “Koha Ditore”.

Deri tash sjellja e kësaj aparature është vonuar qe më shumë se katër muaj, që i bie rreth 250 mijë euro humbje. Humbja pritet të jetë me e madhe për shkak që hapësira ku do të vendoset kjo aparaturë nuk është as gati.

Në QKUK nuk kanë dhënë shumë informata për pajisjen e re, e cila do të mundësonte vendosjen e stentave gjatë 24-orëve e jo 12 orë siç është tani./arbresh.info/