Arsenali i ofron 300 mijë funta në javë sulmuesit Alexis Sanchez

08:14 | 11 Gusht 2017
Arbresh Info

Arsenali i ka ofruar sulmuesit Alexis Sanchez një kontratë të re që vlen 300 mijë funta në javë.

Marrëveshja aktuale e sulmuesit skadon në fund të sezonit dhe ai kishte refuzuar të nënshkruaj vazhdimin e kontratës, transmeton portali arbresh.info. Arsenali ofroi 225 mijë funta herën e fundit, përfshirë bonuset që në përgjithësi i siguronin atij 275 mijë funta në javë.

Por, Sanchez ka bërë të qartë se dëshiron të siguroj mbi 300 mijë funta në javë për të vendosur lapsin në marrëveshjen e re dhe mbetet të shihet nëse oferta e re do të jetë e mjaftueshme.

Manchester City dhe Paris Saint Germain kanë kërkuar shërbimet e sulmuesit kilian, por Arsene Wenger vazhdon të ketë besim që do të qëndrojë në klub./arbresh.info