Deputeti i legjislaturës së ardhshme në Kuvendin e Kosovës nga radhët e Lëvizjes Vetëvendosje, Frashër Krasniqi, thotë se koalicioni PDK-AAK-NISMA nuk do të mund ta përballojë në opozitë Lëvizjen Vetëvendosje me 32 deputetë më shumë se një vit.

Krasniqi në Facebook shkruan se kandidati për kryeministër nga radhët e koalicionit PAN, Ramush Haradinaj, nuk e kupton se ndryshimi ka ndodhur, pavarësisht se a i kanë apo jo numrat për formimin e Qeverisë.

Sipas tij, PAN nuk mund ta bëjë Qeverinë pa Listën Serbe. Ndërsa kjo e fundit nuk do të futet në Qeveri pa Zajednicën, gjë për të cilën thotë se nuk do të bëhet.

Lexoni të plotë shkrimin e tij në Facebook:

PAN nuk mund të bëjë qeveri pa Listën Serbe. Lista Serbe nuk futet në qeveri pa Zajednicën. Zajednicën nuk e realizuan dot as sa i kishin 80 deputetë se lëre më me 61.

VV-në me vetëm 16 deputetë, e përballuan vetëm 2 vite e gjysmë. Kurse tash me 32 deputetë nuk do ta përballojnë më shumë se 1 vit.

Ramushi nuk po e kupton që ndryshimi ka ndodhur, pavarësisht a i ka ai numrat apo jo.

Veç vonim, p’shtim s’ka