Kryetari i degës së AAK-së në Prishtinë Avni Arifi në një prononcim për arbresh.info ka folur për kushtet e komuniteteve për të votuar Ramush Haradinajn për kryeministër.

Ai ka thënë se ata do të gjejnë mënyrën më të mirë për të ndërtuar institucionet pa qartësuar se a do të plotësohen kushtet e tyre.

“Ne jemi në demokraci të tërthortë secila partia ka kërkesat e veta ashtu si partnerët e koalicionit  dhe me të gjitha do ta kemi një formulë, e cila plotëson  nevojat e komuniteteve  dhe që njëkohësisht  e mundëson edhe formimin  e institucioneve. Komunitetet kanë kërkesa dhe ne kemi me gjetë rrugën më të mirë  për ndërtimin e institucioneve duke i avancuar edhe pozicionet e minoriteteve  dhe asnjëra palë nuk do të jenë të pakënaqur”, tha Arifi.

Arifi është shprehur se gjatë takimeve që kanë pasur me përfaqësuesit e minoriteteve ka pas një frymë të shëndosh për formimin e institucioneve të Kosovës. Ai ka thënë se ashtu si të gjitha grupet parlamentare edhe komunitetet i kanë kërkesat e tyre që i shohin si  formë të avancimit të pozicionit  të tyre të  balancuar brenda përbrenda kornizave të ekzekutivit.

“Krejt çka mundemi me than është  se ne bisedimet qe i kemi pas ka ekzistuar një  frymë e shëndosh për formimin e institucioneve, kushte te tilla nuk kemi pasi ka ekzistua një vullnet nga komunitetet që ti avancojmë ,ata kanë shpreh dëshirë që të kenë më shumë poste ministrore”, ka deklaruar kryetari i degës së AAK-së në Prishtinë.

Ndryshe kreu i PLE’së, Veton Berisha i cili vjen nga komuniteti egjiptian ka thënë se pa plotësimin e disa kushteve që tashmë i’a kanë bërë  Haradinajt, vota e tyre ka gjasa që të jetë kundër, Berisha ka thënë se ata janë të interesuar të kenë një ministri./arbresh.info/