Portieri 18-vjeçar ka vazhduar kontratën me Milanin.

Vetëm pak ditë më parë Gianluigi Donnarumma ishte kthyer në njeriun më të urryer nga tifozëria e Milanit, pasi që kishte refuzuar vazhdimin e kontratës me Rossonerët.

Por Donnarumma ka ndryshuar mendje dhe ka vazhduar bashkëpunimin me Milanin deri në vitin 2021, e madje edhe ka treguar se kuqezinjtë janë klubi i vetëm që ai dëshiron të luajë.

“Jam krenar dhe shumë i lumtur që mbetem pjesë e Milanit”, ka deklaruar Donnarumma.

“Unë kam lindur këtu dhe në kokën time nuk kam pasur kurrë dyshime. U kërkoj ndjesë tifozëve sepse kam lexuar gjëra të cilat nuk duhet t’i kisha lexuar kurrë”.

“Nuk doja t’u shkaktoja dhimbje dhe shpresoj që marrëdhëniet mes nesh të kthehen si më parë. Unë jam tifoz i Milanit që kur kam lindur”, ka përfunduar Donnarumma.