Vetitë shëruese të trëndafilave njihen që moti, e këtë e kanë vërtetuar edhe shkrimet e vjetra të gjetura në Egjipt, në Indi dhe në Kinë, në të cilat ishin vërejtur mënyrat shëruese që kanë.

Sot, dihet se në trëndafila ka vaj eterik, acide të mollës dhe të limonit. Gjethet e trëndafilave janë përdorur edhe në kuzhinë, janë përzier me sallatë, janë përzier në pite me mollë, si dhe janë përdorur për t’u përgatitur lëngu prej tyre, transmeton gazeta Kosova Sot Online.

Shurupi nga trëndafilat

Dy grushte me gjethe trëndafilash i përzieni me gjysmë litër ujë të ngrohtë dhe i lini të mbuluara për 24 orë. I procedoni dhe i zieni me 250 gr sheqer, e kur të jetë tretur sheqeri, shtojani lëngun e një limonit dhe ziejeni edhe për 5 minuta. Te sëmundjet e mushkërive të pini 2 – 4 lugë të mëdha shurup.

Ujë për masazh

Uji në të cilin për dhjetë ditë kanë qëndruar gjethet e trëndafilave përdoret për masazh te reuma, kundër zbokthit dhe për heqjen e akneve.

Trëndafilat në vaj ulliri

Vaji i ullirit në të cilin janë hedhur gjethet e trëndafilave përdoret për lyerjen e plagëve, të cilat vështirë shërohen.