“House of Cards” ishte një prej serialeve më të ndjekur në vitet 90. Një prodhim i suksesshëm i BBC-së, i cili nisi në vitin 1990 dhe përfundoi në vitin 1995.

Seriali është bazuar në novelën e Michael Dobbs, një ish shef i shtabit të Partisë Konservatore. Drama Politike u rikthye nga Netflix në vitin 2013, duke i transferuar ngjarjet në Shtëpinë e Bardhë në Uashington.

Në sezonin e dytë, qe mori jetë në vitin 1993, një prej serive tregonte se si Urquhart, në këtë sezon kryeministër po përballet me flakët e mëdha që përfshijnë një ndërtesë në Londër dhe më pas me shembjen e saj.

Fjalët e një prej këshilltarëve të kryeministrit në serial, të kujtojnë tragjedinë e Londrës, flakët që përfshinë “Grenfell Tower”, javën e shkuar.

Kujtojmë se arkitektë dhe aktivistë të shumtë kishin paralajmëruar më parë rrezikun që i kanosej kullës 24-katëshe.

“Një tragjedi që pritej të ndodhte” – ishin fjalët që lidhin të dy ngjarjet e përmendura bashkë, shkruan Opinion.al.

Më pas ka shumë detaje që përputhen me tragjedinë fiktive dhe me atë reale që ndodhi disa ditë më parë.

Zjarri në serial nisi në katin e katërt, ashtu si edhe në ngjarjen reale. 72 persona vdiqën në serial, ndërsa 79 persona vdiqën në të vërtetë.

Kthehemi te ngjarjet politike.

Në serial Mbreti i Britanisë kritikon kryeministrin për këtë tragjedi, ndërsa ky i fundit shprehet se është një ngjarje e ndodhur nga papërgjegjshmëria.

Nga ana tjetër e njëjta gjë ndodhi edhe me Teresa May e cila u kritikua për qëndrimin e mbajtur për këtë tragjedi, pasi kjo e fundit nuk takoi asnjë prej banorëve të kullës.