Më shumë se 10 për qind e popullsisë së botës tani është me mbipeshë, një rritje e dukshme gjatë 30 viteve të fundit që po çon në probleme të përhapura shëndetësore dhe miliona vdekje të parakohshme, sipas një studimi të ri, shkruan TheNewYorkTimes.

Publikuar të hënën në revistën New England Journal of Medicine, studimi tregoi se problemi kishte përfshirë globin, duke përfshirë rajonet që historikisht kanë pasur mungesa ushqimore, si Afrika.

Studimi, i hartuar nga Instituti për Matje dhe Vlerësim të Shëndetit në Universitetin e Uashingtonit dhe financuar nga Fondacioni Gates, vështroi 195 vende, kryesisht popullsinë e botës, duke gjetur se normat e obezitetit të paktën dyfishohen në 73 vende, duke përfshirë Turqinë, Venezuelën dhe Butani – nga viti 1980 deri në 2015, dhe “vazhdimisht është rritur në shumicën e vendeve të tjera”.

Duke analizuar rreth 1,800 grupe të dhënash nga e gjithë bota, hulumtuesit zbuluan se pesha e tepërt luajti një rol në katër milionë vdekje në vitin 2015, nga sëmundjet e zemrës, diabeti, sëmundjet e veshkave dhe faktorë të tjerë.

Shkalla e vdekjeve për kokë banori ishte 28 për qind që nga viti 1990 dhe, sidomos, 40 për qind e vdekjeve ishin ndër njerëzit që ishin mbipeshë por jo aq të rëndë sa të klasifikohej si i trashë./arbresh.info/