Fondacioni Behgjet Pacolli kontribuoj në renovimin e Kuvendit të Kosovës me 478 mijë euro

13:50 | 6 Qershor 2017
Arbresh.info

Presidenti i AKR-së, Behgjet Pacolli ka thënë se ‘Fondacioni Behgjet Pacolli’ ka kontribuar në renovimin e ndërtesës së Parlamentit të Kosovës me 478 mijë euro.

Pacolli në rrjetin social facebook ka shkruar se ky fondacion ka dhënë kontributin e tij në ngritjen e kapaciteteve infrastrukturore të shtetit të Kosovës.

Postimi i plotë:
Fondacioni Behgjet Pacolli ka dhënë kontributin e tij edhe në ngritjen e kapaciteteve infrastrukturore të shtetit të Kosovës. Fondacioni implementoi në formë donacioni projektin e rregullimit të hyrjeve, fasadën e xhamit dhe në tërësi zyrën e kryetarit të Kuvendit të Kosovës.
Fondacioni ka kontribuar në renovimin e ndërtesës së Parlamentit të Kosovës në vlerë prej katërqind e shtatëdhjetë e tetë mijë eurove (478.000).