Dries Mertens ka nënshkruar një kontratë të re që do e mbaj atë te Napoli deri në qershor të vitit 2020.

Marrëveshja e mëparshme e reprezentuesit belg do të skadonte në vitin 2018 dhe raportet sugjeronin që ai mund të largohet nga klubi në ‘Stadio Olimpico’ derisa një numër i madh skuadrash në Premierë Ligë ishin të interesuar për transferimin e 30-vjeçarit, transmeton portali arbresh.info.

Sidoqoftë, Mertens i ka dhënë fund të gjitha spekulimeve rreth të ardhmes së tij duke nënshkruar kontratë të re dy vjeçare me Napolin, megjithëse marrëveshja e tij përfshin një klauzolë që i lejon atij të largohet për transferim në Super Ligën e Kinës ose falas.

“Ne kemi biseduar me përfaqësuesit e Mertens dhe kemi arritur një marrëveshje që është perfekte për Dries dhe Napolin”, njoftoi presidenti i klubit, Aurelio De Laurentiis.

“Mertens do të jetë te Napoli edhe për shumë vite sepse nuk dëshiron të transferohet njëherë në Kinë sepse ekziston një klauzolë në kontratë e tij që ne nuk mund të refuzohet. Por në Itali, Mertens do të luaj vetëm për Napolin”

Ish sulmuesi i PSV ka shënuar 33 gola brenda 45 paraqitjeve në të gjitha kompeticionet këtë sezon te Napoli./arbresh.info