Hoti thotë se zgjedhjet e 11 qershorit po kthejnë entuziazmin si në kohën e Rugovës

21:06 | 24 Maj 2017
M. A.

Zgjedhjet e 11 qershorit po kthejnë entuziazmin si në kohë të ish-presidentit të vendit Ibrahim Rugova. Kështu thotë kandidati për kryeministër i koalicionit të LDK-AKR-Alternativa, Avdullah Hoti në Rubikon të KTV-së.

Hoti thotë se ky mirëkuptim me qytetarët po ndodh veçanërisht nga veprimi i liderit të LDK-së, Isa Mustafa duke ofruar një kandidat të ri për kryeministër.

“Entuziazëm ka si në kohën e Rugovës. Është kënaqësi të shkosh në fshatra dhe në lagje të caktuara. Me një ftesë simpatizantëve të LDK-së bashkohen edhe qytetarët që jo domosdo janë anëtarë të Ldk-së”, ka thënë ai.

Hoti është i bindur në një fitore të thellë, siç thotë ai më të madhen që ka pasur LDK-ja.

E me këtë Hoti thotë se nënkupton një fitore e cila do t’u mundësonte formimin e qeverisë.