Më 3 Qershor zhvillohet finalja e madhe e Ligës së Kampionëve.

“Kjo arritje e Juventusit është ndërtuar nga një rritje e madhe, por jo nga ndonjë mrekulli: Është e fortë si skuadër, por mbi të gjitha ka njerëz që kanë shumë vlera si brenda dhe jashtë fushave”, kështu e nis analizën e tij Arrigo Sacchi.

Mjeshtri i madh i futbollit në Itali e sheh Juventusin dhe më mirë se Reali në finale.

“Ata nisen për mua favorit në finale. Kanë një grup që marrin më të mirën e mundshme. Një qytet i madh, një trajner i madh, që janë në kohezion për atë që përfaqëson ky grup. Komplimente Allegrit që ka marrë më të mirët e skuadrës që është e përbërë nga shumë kampion. Ai është një ndër më të mirët e shkollës italiane”, u shpreh Sacchi në analizën e tij për trajnerin e bardhezinjve.