Lideri i Vetëvendosjes, Visar Ymeri ka thënë se kjo lëvizje nuk ka arritur të krijoj marrëveshje me LDK-në pasi kjo e fundit kishte qëllime të tjera në këto zgjedhje.

Ymeri, në një konferencë për media tha se qëllimi i Vëtevendosjes është luftimi i klanit “Pronto” dhe Kadri Veselit ndërkaq siç tha ai, LDK kishte për qëllim që të bënte të njëjtën gjë, shkruan arbresh.info.

“Po ta kishin hallin për largimin e klanit Pronto dhe Kadri Veselit natyrisht se do të bënim marrëveshje mirëpo ata nuk ishin të interesuar për këtë gjë, ishin më shumë të interesuar se si të ruhej LDK-ja dhe jo Kosova”, tha Ymeri.

I pyetur se a është e vërtetë që LDK e Vetëvendosje nuk kanë arritur të merren vesh për postin e kryeministrit, Ymeri tha se anjëherë nuk kanë diskutuar me LDK-në për këtë post.

Ymeri i ka quajtur koalicionet e krijuara deri më tani, koalicione të natës dhe panikut.

Sipas tij, vetëm Lëvizja Vetëvendosje mund të sjellë ndryshime në Kosovë dhe ta ruajë sovranitetin e saj./Arbresh.info.