Në Ligjin për zgjedhjet e përgjithshme parashihet saktësisht se kush mund të përfshihet në listat e kandidatëve për deputetë.

Cilido person emri i të cilit paraqitet në Listën e Votuesve është i aftë për certifikim si kandidat.

Por, këtë të drejtë nuk e kanë gjykatësit apo prokurorët, pjesëtarët e Forcës së Sigurisë së Kosovës, pjesëtarët e Policisë së Kosovës, pjesëtarët e Shërbimit Doganor të Kosovës dhe pjesëtarët e Agjencisë së Kosovës për Inteligjencë, shkruan arbresh.info.

Partitë politike kanë afat deri të premten të finalizojnë listat e kandidatëve për deputet të në legjislaturën e gjashtë të Kuvendit të Kosovës.

Në këto lista nuk mund të jetë po ashtu, kryesuesi i një agjencie të pavarur, përfaqësuesi diplomatik, kryesuesi apo anëtari i KQZ-së, pjesëtari i KZAP-it, anëtari i Komisionit Komunal të Zgjedhjeve.

Kandidatë për deputetë nuk mund të jetë po ashtu person i i shpallur fajtor për vepër penale me një vendim përfundimtar të gjykatës në tri vitet e fundit.

Në Ligj thuhet se “Numri i emrave të dorëzuar të kandidatëve nuk mund të jetë më shumë se dhjetëpërqind e maksimumit të numrit të ulëseve të caktuara.”

Në rast të paraqitjes së më shumë kandidatëve se sa maksimumi i caktuar, KQZ-ja e redukton listën e kandidatëve deri në numrin që është në pajtim me dispozitat e këtij neni.

Po ashtu, asnjë person i zgjedhur anëtar i një organi tjetër legjislativ, nuk mund të ketë ulëse në Kuvendin e Kosovës. Anëtari i Kuvendit i cili pas marrjes së ulëses së tij apo saj në Kuvend është apo bëhet anëtar i një trupi tjetër të zgjedhur legjislativ, humb mandatin e tij apo saj në Kuvend.

Një punëtor publik i cili përpiqet të fitojë një ulëse në Kuvend duhet të marrë pushim tëlejuar mungese me efekt nga data e fillimit të periudhës së fushatës.

Pritet që deri nesër koalicionet dhe subjekti politik Lëvizja Vetëvendosje të finalizoj në listat e kandidatëve për deputetë./arbresh.info/