Kryetari i parlamentit Talat Xhaferi ka pasur takime sot me ambasadorin amerikan Xhes Bejli si dhe atë francez Christian Timnonie.
Në takim me ambasadorin amerikan, Bejli ka shprehur urimet e tij për zgjedhjen e Xhaferit në postin e kryeparlamentarit si një hap shumë i rëndësishëm në stabilizimin e situatës në vend e më pas ka thënë se ambasada amerikane punon në koordinim me misionin e BE-së që vendi të orientohet në rrugën e duhur.
Si një hap tjetër Bejli ka përmendur formimin e qeverisë derisa kryeparlamentari Xhaferi e ka informuar atë lidhur me hapat që ka ndjekur dhe procedurën sipas kushtetutës dhe rregullores së parlamentit.
Dy bashkëbiseduesit më tej kanë shkëmbyer mendime të ndryshme dhe konstruktive lidhur me situatën aktuale në vend si dhe tejkalimin e krizës dhe vendi të ecë përpara.
Gjithashtu sot në kabinetin e tij kryeparlamentari Xhaferi ka pritur ambasadorin francez Timonie i cili e ka uruar Xhaferin në emër të tij personal por edhe në emër të presidetit francez.
Timonie është shprehur se hapi i rradhës që duhet bërë është formimi sa më i shpejtë i qeverisë së re ku Xhaferi e ka informuar për procedurat që ka ndjekur deri tek marrja e mandatit nga presidenti i vendit.
8 Maj 2017
Trump: Tajlanda dhe Kamboxhia janë pajtuar për armëpushim
Salah kthehet në formacionin e Liverpoolit
Nesër mbyllet përkohësisht një segment i rrugës në Vushtrri
Ambasada amerikane njofton se ushtrimi i përbashkët me Polic...
Linjë ajrore Shqipëri – Kanada, Qeveria shqiptare firmos ven...
Fonsesca: Ligue 1 është një nga ligat më të mira në Evropë
📱 Shkarkoni Aplikacionin Arbresh.info për lajmet dhe përditësimet më të fundit!
Skip to content
