Korportata Energjetike e Kosovës është bërë sot mollë sherri ndërmjet partnerëve të koalicionit qeveritar, PDK e LDK.

Gjatë Interpelancës së kryeministrit Isa Mustafa të thirrur nga deputetët e VV-së në lidhje me minierën e Sibovcit, deputeti i PDK-së, Shaip Muja ka kritikuar kryeministrin Mustafa se e ka quar Kosovën në kolaps energjetik duke kërkuar madje edhe largimin e qeveritarëve nga postet e tyre, shkruan arbresh.info.

Deputetja e LDK-së, Melihate Tërmkolli ka reaguar ndaj deklarateve të Mujës duke thënë se të gjithë e dijnë se zyrtarët e PDK-së e kanë zhvatur dhe po vazhdojnë ta zhvatin KEK-un.

“Angazhimi kryesor i zyrtarëve të PDK-së në KEK është punësimi enorm i militantëve partiakë të PDK-së dhe duke shmangur punësimet me prioritet. Qytetarët e dijnë se kush po e zhvat edhe më tutje KEK-un, dhe këtë po e bëjnë edhe më tutje zyrtarë të caktuar të PDK-së. Dihet kush po bënë kontrata katastrofale milionëshe. Shikone pak vetën dhe punët që po bëni”, ka thënë Tërmkolli.

I menjëhershëm ka qenë reagimi i Mujës i cili ka thënë se kjo që tha Tërmkolli është strategji për të gjuajtur topin diku tjetër dhe për t’i ikur qëllimit.

“Këta e kanë strategji me gju topin diku tjetër për të ikur qëllimit ku e kanë bërë llugë”, tha Muja./Arbresh.info.