Kanë filluar punimet për zgjerimin e rrugës në Veterrnik, e cila do të jetë rruga e parë në Kosovë me 4 korsi në një drejtim, pra 8 korsi në të dy drejtimet.

Gjatë përurimit të punimeve, kryeministri Mustafa, ka thënë se pamja e kryeqytetit do të jetë madhështore me këtë projekt.

“Më vjen mirë që po hapet hyrja në Prishtinë dhe këtë e konsiderojmë si investim për kryeqytetin. Do të jetë madhështore sepse do të kemi rrugën me katër korsi, pjesën për këmbësorë dhe biçiklistë. Kjo shënon edhe fillimin e unazës nëpër Prishtinë ashtu siç ka qenë e paraparë me projekt”,tha Mustafa.

Projekti është paraparë të realizohet me dy llote. Lloti 1 do të jetë drejtimi Prishtinë – Veternik, krahu i majtë i rrugës, i cili sipas kontratës parashihet të përfundojë brenda 150 ditësh pune, me një gjatësi prej 1.5 kilometrash dhe me kosto prej mbi 1,5 milion eurosh, ndërsa lloti dy është drejtimi Prishtinë – Veternik, krahu i djathtë i rrugës, me një gjatësi prej 1.5 kilometrash dhe me kosto mbi milion 1,3 euro.

Ndërsa sipas kontratës, punimet e llotit 2, parashihet të përfundojnë brenda 110 ditësh./arbresh.info