Lufta e Tretë Botërore është afër, zyrtarë nga Kina kanë paralajmëruar, ndërsa Koreja e Veriut përgatitet për një testim të ri të raketave, e presidenti amerikan Donald Trump është gati të ndërhyjë.

Janë rritur shqetësimet që Koreja e Veriut së shpejti mund të kryejë testin e gjashtë bërthamor apo të lansojë më shumë raketa në kundërshtim të sanksioneve të OKB-së, transmeton portali arbresh.info.

SHBA ka thënë ditëve të fundit që ka marrë fund politika e “durimit strategjik’.

Spekulime të tjera në rritje janë ato se Donald Trump, që ka urdhëruar bombardime në Siri e Afganistan, është duke u përgatitur për sulm në shtetin rebel para fundjavës.

Bombarduesit amerikanë janë vendosur në Guam dhe janë gati të sulmojnë posa të jepet urdhri.

Ministri i Jashtëm i Kinës Wang Yi tha se situata në Gadishullin Korean është duke shkuar në një rrugë të pakthyeshme, nëse nuk ka një ndryshim drastik të diplomacisë.

Ndërkohë Koreja e Veriut ka thënë se është gati për luftë nëse SHBA e Kina zgjedhin një gjë të tillë./Arbresh.info