Një 23-vjeçar italian, që tentoi të vidhte një natë më parë një lokal në Peskara, Itali rezultoi i pafat.

Dhe jo sepse nuk arriti të vidhte lokalin, por sepse u ndesh me policin e gabuar.

Siç shkruan Il Messaggero, i riu italian, rreth 190 cm i gjatë, u pikas nga një patrullë karabinierësh, pjesë e së cilës ishte edhe Giovanni De Benedictis (në foto), një prej atletëve më të njohur të vendit fqinjë, i cili në Olimpiadën e Barcelonës, në vitin 1992, rrëmbeu medaljen e bronxtë në garën e 20 kilometrave.

Pasi e la në fillim të lodhej duke vrapuar, De Benedictis e arrestoi më pas të riun, që mendoi se këmbët e gjata do ta ndihmonin t’u shpëtonte karabinierëve.

Mbi hajdutin 23-vjeçar rëndojnë tashmë akuzat “Tentativë vjedhje” dhe “Kundërshtim i forcave të rendit”.