Futbollisti i Islandës i vlerëson dy futbollistë të Kosovës

11:14 | 23 Mars 2017
Arbresh.info

Islanda kërkon te pikë në Shkodër kundër kombëtares së Kosovës, por në fakt e dinë se do të jetë vështirë, duke e marrë parasysh se përballen me një rival që ka lojtarë të talentuar.

Qendërmbrojtësi i Islandës, Kari Arnason, shpreson se mund të marrin pikët e plota që do të jenë më së të nevojshme në ecurinë e fazës së grupit I të kualifikimeve për Kampionatin Botëror – ‘Rusia 2018’. “Natyrisht. Kjo është një lojë ekstremisht e rëndësishme për ne dhe pozita në të cilën gjendemi nuk na lejon të humbim pikë. Nëse gjithçka shkon si është më së miri, mund të jemi në pozitë të mirë për këtë lojë. Kosova i ka dy sulmues mjaft atletikë, njërin të gjatë dhe një tjetër më të shkurtër, që luan në Austri. Nuk shoh asnjë arsye që ne ta nënvlerësojmë këtë skuadër”, ka thënë Arnason.