ISIS ka publikuar një video shokuese teksa një pjesëtar fëmijë ekzekuton një “të burgosur” dhe kërcënon se do të derdhen lumenj gjaku në Kinë.

Në video gjithashtu shihet edhe djegia e flamurit Kinez dhe fëmijë të armatosur në trajnime religjioze dhe ushtarake, para se të kryhet vrasja, transmeton arbresh.info.

“O ju kinezë që nuk kuptoni çfarë thonë njerëzit! Ne jemi ushtarët e Kalifatit, dhe do të vijmë te ju të qartësohemi me gjuhën e armëve, të derdhim gjak si lumenjtë dhe do të hakmerremi për të shtypurit”, thuhej në incizim.

Kina për vite të tëra ka fajësuar separatistët “ujgur” në ekzil, për një seri sulmesh të dhunshme në Kinë, ndërsa në kohët e fundit janë parë lidhje të këtij grupi militantë më grupin e Shtetit Islamik./Arbresh.info