Hetimi i kryer nga OKB tregon se të dy palët në konflikt, si regjimi sirian ashtu edhe rebelët kanë kryer krime lufte në Aleppo.

Sipas tyre nga të dy anët janë përdorur armë kimike, janë ekzekutuar civilë dhe janë bërë zhvendosje të detyrurara, transmeton portali arbresh.info

Komisioni i Kombeve të Bashkuara të Hetimeve për Sirinë ka dokumentuar shkeljet gjatë periudhës korrik-dhjetor të vitit të kaluar, pesë muaj rrethimi nga ana e regjimit në Aleppon lindore, që dikur konsiderohej si fortesa kryesore e opozitës.

“Shkalla e asaj që ka ndodhur në Aleppo ështe e pashembullt”, ka thënë Paulo Pinheiro para gazetarëve në Gjenevë.

Hetuesit kanë deklaruar se nuk kanë prova nëse Damasku është përgjegjës për sulmet ajrore të 19 shtatorit në provincën e Aleppos, që në shënjestër kishte një karvan humanitar. Gjatë sulmit mbetën të vrarë 10 punonjës të organizatave humanitare./Arbresh.info