Refugjatët jazidi që jetojnë në një kamp në malin Sinjar, në Irak, kanë protestuar duke bërë thirrje për lirimin e fëmijëve të tyre nga skllavëria e Shtetit Islamik.

Fëmijët jazidi përdoren nga grupi terrorist edhe kamikazë, transmeton portali arbresh.info.

Protesta u mbajt pas një sulmi vetëvrasës në Mosul që u krye nga fëmijët që gjenden nën kthetrat e ISIS-it, konkretisht u krye nga dy të rinjë jazidi të quajtur Amjad dhe Asaad.

Shumica e pjesëmarrësve në protest kanë theksuar se fëmijët e tyre janë rrëmbyer nga ISIS-it, ndërsa ata kanë shprehur pikëllimin e tyre duke theksuar se nuk e dinë nëse fëmijët e tyre janë gjallë apo kanë vdekur.

“Shpëtoni fëmijët tanë”, ka qenë thirrja e tyre drejtuar qeverisë irakiane dhe ndërkombëtarëve.

Qyteti irakian Sinjar u morr nën kontroll nga militantët e ISIS-it në gusht të vitit 2014. Gjatë pushtimit janë vrarë mijëra banorë dhe janë skllavëruar rreth 7 mijë gra dhe fëmijë jazidi./Arbresh.info