Lewandowski shpëton në fund Bayern Munichun (Video)

17:31 | 18 Shkurt 2017
Arbresh Info

Goli i shënuar në minutën e 98′ nga Lewandowski i ka siguruar një pikë skuadrës së Carlo Ancelottit në ndeshjen si mysafirë ndaj Herthas.

Hertha BSC ishte afër fitores së parë pas nëntë viteve ndaj Bayern Munichut në takimin e xhiros së 21 në Bundesliga të zhvilluar në stadiumin “Olympiastadion”, shkruan portali arbresh.info.

Sulmuesi Vedad Ibisevic arriti të dërgojë skuadrën nikoqire në epërsi në minutën e 21′ të ndeshjes duke ruajtur avantazhin deri në minutën e fundit të takimit. Megjithatë, goli i realizuar në sekondat e fundit nga Lewandowski barazoi gjithçka.

Bayern Munich vazhdon qëndrimin në krye të tabelës me 50 pikë, ndërsa Hertha gjendet në pozitën e gjashtë me 34 pikë./arbresh.info

https://streamable.com/ojt5b

https://streamable.com/3e7lq