Santana kërkon falje pasi tha se Beyonce nuk është “këngëtare”

09:16 | 16 Shkurt 2017
Arbresh.info

Carlos Santana ka thënë se Beyonce nuk është “një këngëtare e mirë”.

Në një intervistë, muzikanti 69-vjeçar shpjegoi se pse ai mendonte se Adele fitoi “Albumi i Vitit” në Grammy 2017, duke lënë pas Beyonce.

“Mendoj se Adele fitoi pasi ajo di të këndojë”, ka thënë ai.

“Me gjithë respektin për motrën tonë, Beyonce. Ajo është shumë e bukur, është më tepër si modele – pasi ajo nuk është një këngëtare prej vërteti”, ka thënë Santana.

Pas reagimeve të mëdha, ai u përgjigj në Facebook: “Unë do të doja të sqaroja një koment, të cilin unë e kam bërë në një intervistë për disa shfaqje të ardhshme në Australi dhe Zelandën e Re. Qëllimi im ishte për të uruar Adele. Komenti im për Beyonce për fat të keq ka dalë jashtë kontekstit. Unë kam respekt të madh për të si një artist dhe person”.

“I uroj Beyonce dhe familjes së saj më të mirën”.